Lời bài hát: Davide Van De Sfroos. Yanez. El Pass Del Gatt.

Sun vegnuu graand
ma mea taant
in questu siit in duve'l suu te sbrana
indue scapuscia anca la bissa
e indue'l tramuunt el g'ha mai presa

G'ho scia'n curtell
per taja i stagion o per lo mena per facch paguura
vo in giir adasi per mea fa' pulver
e parli mai perche fa tropp cold

E ho fa'l bagn insema ai aspis
ho maja scerees o ho maja caden
gh'e anca una foto indue paar che ridi
ma l'e una smorfia per la tropa luus

E in questu siit passa mai nissoen
se ferma pioe gnanca 'l tempuraal
ma me una sira ho basaa una dona
e de dree a una pianta l'ha ma di'l so nomm

E sto in soel muur della ferruvia
quan che ruva un treno una volta al de
perche una sira ho basaa una dona
e soe quela pianta ho scrivuu'l so nomm

E l'e ruada cu n't el pass del gatt
senza culzett e senza amiis
el so suriis l'era meza facia
l'oltra meta l'era una cicatriis
l'ha mai spiega de indue la vegniva
l'ha mai parla de quel anell al dii
ma'l tatuagg che g'han faa in presonn
me l'ho veduu quaand l'ha tra toe i vestii
Strengeva foort e se lassavi streeng
cume un ragn stremii muvevi i brasc che gh'eri
e me pareva de bala in un tango tra l'erba salvia
e tucc i pagn stenduu

E in questu siit passa mai nissoen
e anca se'l passa prema o poe'l ne va
ma quela sira ho fa'l giir del muund
o forsi 'l muund l'ha faa 'l giir de me

E smorzi 'l suu cunt una cicada
speci la nocc per tajacch el coll
e m' hann veduu anca basa una pianta
propri nel punta due' ho scrivuu'l soe nomm

Quaivoen se sfoga a cata i magiustri
a giuga ai caart la dedree a'n tratuur
quaivoen el dorma sura a una gazzetta
per tucc i oltri gh'e duma'l buceer

E in questu siit passa mai nissoen
ma'l soe prufoemm urmai l'e che de ca'
ogni taant la rua ogni taant la va
ho imparaa a speciala e poe lassala na

(Grazie a Marco per questo testo)